لەتیف نێروەیی
لێپرسراوی بۆردی راگەیاندنی یەكێتیی نیشتمانیی كوردستان
سێ هەواڵی دڵخۆشكەر بۆ گەلی کوردستان لە یەک رۆژدا کە جێبەجێکردنی دوو بەڵێنی یەکێتی بوون لە بانگەشەی هەڵبژاردندا. هەواڵێک بۆ فەرمانبەران و مووچەخۆرانی هەرێم و هەواڵی دووەم بۆ جووتیارانی ناوچەدابرێنراوەکان و هەواڵی سێیەمیش پەیوەستە روڵی یەکێتی لە پرۆسەی ئاشتی لە تورکیاو باکوری کوردستان ، هەواڵەکان بریتین کە :
یەکەم : پەسەندکردن وبریاردان لەسەر سکاڵایەکی جەنابی سەرۆک کۆمارو سەرپشككردنی فەرمانبەرانی هەرێم بە تەوتینکردنی مووچەکانیان .ئەمە یەکێک بوو لەدروشم و بەڵێنە سەرەکییەکانی یەکێتی و خۆدی هەڤاڵ بافڵ تالەبانی سەرۆکی یەکێتی .
دووەم: یەکلاکردنەوەی پرسی زەوی جوتیارانی کەرکوک و سزادانی کەسانی پەلاماردەرو یاساشکێن . ئەمەش بەڵێنێکی دیکەی یەکێتی بوو لە بانگەشەی هەڵبژاردنی ئەنجومەنی پارێزگای کەرکوک .
سێیەم : پەیام و پشتگیری و پێشوازی یەکێتی و سەرۆکی یەکێتی لە هەنگاوەکانی جێبەجێکردنی پرۆسەی ئاشتی لە تورکیا کە کاریگەری ئەرێنی لەسەر باشووری کوردستان و رۆژئاوای کوردستانیش دەبێت و لەو پێناوەدا یەکێتی لەسەرەتای نەوەتەکانی سەدەی رابردووەوە تا ئێستا وەکو ستراتیژێکی نەگۆر هەوڵ و باجێکی زۆری داوە.
