قوباد تاڵەبانی، لێپرسراوی مەکتەبی سکرتاریەتی سەرۆک مام جەلال پیرۆزبایی ساڵیادی دامەزراندنی کۆمەڵەی خوێندکارانی کوردستان دەکات.
دەقەکەی…
لە یادی ٤٩ ساڵەی دامەزراندنی کۆمەڵەی خوێندکارانی کوردستاندا گەرمترین پیرۆزباییتان ئاراستە دەکەم و هیوای سەرکەوتنی زیاترتان لە گەشەپێدانی رێکخراوکەتان و خزمەتکردنی خوێندکاراندا بۆ دەخوازم.
کۆمەڵەی خوێندکاران لە سەردەمی شۆڕشدا رۆڵێکی گرنگی لە بەرەنگاربوونەوەی رژێمی دیکتاتۆری بەعسدا بینی و لە دوای راپەڕینیش خەمخۆرانە خزمەتی خوێندکارانی کردوە و هەوڵی بەرزکردنی ئاستی هۆشیاری و رۆشنبیری خوێندکارانی داوە. لەم یادەدا رێز لە خەبات و تێکۆشانی رێکخراوەکەتان لە قۆناغە جیاوازەکاندا دەگرین و داواکاریشین لەم قۆناغە نوێیەدا بە جۆرێک خۆتان رێک بخەنەوە کە بتوانن زۆر زیاتر لە جاران و بێ جیاوازی خزمەتی هەموو خوێندکارانی کوردستان بکەن.
قوباد تاڵەبانی
