ئەمرۆ چوارشەممە 2ی7ی2025 وەفدێکی باڵای سەربازی هێزەکانی ئەڵمانیا بە سەرکردایەتی کۆڵۆنێل پیتەر کوپەر فەرماندەی سەربازیی هێزی هاوپەیمانیی ئەڵمانیا، سەردانی مەزاری سەرۆک مام جەلال یانکرد و لەلایەن باڵیۆز د . محەمەد سابیر سەرۆکی دامەزراوەی سەرۆک مام جەلال ، ئەندامانی مەکتەبی سکرتارییەتی سەرۆک مام جەلال پێشوازییان لێکرا.
دوای دانانی تاجەگوڵینەی رێز و وەفا لە دەفتەری یادەوەرییەکاندا بە شکۆوە رۆڵی گەورەی سەرۆک مام جەلال – یان لە بونیاد نانەوەی عیراقی نوێدا بەرز نرخاند و بە گرنگییەوە باسیان لە پەیوەندی پتەوی دەوڵەتی ئەڵمانیا و گەلی کورد-دا کرد.
لە بەرامبەردا ئەندامانی مەکتەبی سکرتارییەتی سەرۆک مام جەلال، سوپاسی وەفاداری دەوڵەت و گەلی ئەڵمانیایان کرد و پێزانینیان دەربڕی بۆ قوربانیەکانیان لە جەنگی رووبەڕووبوونەوەی تیرۆرو هاوکارییان بۆ هێزەکانی پێشمەرگەی کوردستان
