سلێمانی – چوارشەممە ٩ی تەمموزی ٢٠٢٥**
لە چوارچێوەی پڕۆگرامی خوێندنی دبلۆمی باڵای کاری حزبی، خوێندکارانی ئەکادیمیای پەروەردە و پەرەپێدانی کادیران سەردانی مەزاری سەرۆک مام جەلال’ـیان کرد لە دەباشان.
ستافەکە کە پێکهاتبوو لە هەڤاڵ دکتۆر مۆفەق خالد، لێپرسراوی ئەکادیمیای پەروەردە و پەرەپێدانی کادیران، بەشێک لە مامۆستایان و تەواوی خوێندکارانی ئەکادیمیا، لە مەڕاسیمێکەدا، بەشدارووان چەپکە گوڵی ڕێز و وەفایان لەسەر مەزارەکە دانا و ساتێک بێدەنگی بۆ ڕێزگرتن لە یادی سەرۆک مام جەلال وەستان.
دوای مەڕاسیمی ڕێزگرتنەکە، ژیان و قۆناغەکانی خەباتی سیاسی و دیپلۆماسیی سەرۆک مام جەلاڵ بووە جێی گفتوگۆی خوێندکاران. بەتایبەتی ڕۆڵی گرنگی ئەو لە بزووتنەوەی ڕزگاریخوازی گەلی کوردستاندا بە گرنگییەوە لێ باسکرا و بە دووپاتکردنەوەی بەڵێنی بەردەوامیی و پارێزگاریی ڕێبازی سەرۆک مام جەلاڵ و یەکێتیی نیشتمانیی کوردستان کۆتایی هات.
جێگەی باسە کە مەڵبەندی دراساتی گشتی لە ١٢ی مایی ٢٠٢٥ ئەکادیمیای پەروەردە و پەرەپێدانی کادیرانی بۆ خوێندنی دبلۆمی باڵای کاری حزبی کردەوە. لە قۆناغی یەکەمی ئەم پڕۆگرامەدا ١٢٠ خوێندکار لە تەواوی شارەکانی کوردستان بەشداری دەکەن.
ئەم جۆرە سەردانانە بەشێکی گرنگی پڕۆسەی فێرکردنی سیاسی و حزبی دەپێکن کە ئامانجی پەروەردەکردنی نەوەیەکی ئاگادارە لە مێژوو و بەهاکانی خەباتی نیشتمانی.
