مەکتەبی سیاسیی یەکێتیی نیشتمانیی کوردستان بە بۆنەى هەڵبژاردنی سەرۆک بافڵ جەلال تاڵەبانى، وەک سەرۆکی هاوپەیمانیی حزبە سۆسیال دیموکراتەکانی وڵاتانی عەرەبی، پەیامێکى پیرۆزبایى ئاڕاستە دەکات و رایدەگەیەنێت: “هەڵبژاردنتان بەسەرۆکی ئەم محفەلە نێودەوڵەتییەی خەباتی سۆشیال دیموکراتی بەڵگەیەکی تری لێوەشاوەیی سەرکردایەتیتانە لە خزمەتی تێکۆشانی یەکێتیی نیشتمانیی کوردستان و گەلەکەمان لەپێناو ئاشتی، دیموکراسی، مافی مرۆڤ و چارەی خۆنووسین و لەسەر هەمان رێبازی سەرۆک مام جەلال کە هەمیشە تەئکیدی لەسەر ئامادەیی دیبلۆماسی یەکێتیی لە کۆڕ و کۆمەڵە نێودەوڵەتییەکان دەکردەوە”.
دەقى پەیامەکە:
بەرێز هەڤاڵ سەرۆک بافل جەلال تاڵەبانی، سەرۆکی یەکێتیی نیشتمانیی کوردستان
بەبۆنەی هەڵبژاردنت وەک سەرۆکی هاوپەیمانیی حیزبە سۆسیال دیموکراتەکانی وڵاتانی عەرەبی، بەناوی هەڤاڵانت لە مەکتەبی سیاسیی و ئەنجومەنی سەرکردایەتی و سەرجەم ئەندامان و لایەنگرانی یەکێتییەوە، گەرمترین پیرۆزبایتان ئاراستە دەکەین.
هەڤاڵ سەرۆک بافڵ
هەڵبژاردنتان بەسەرۆکی ئەم محفەلە نێودەوڵەتییەی خەباتی سۆشیال دیموکراتی بەڵگەیەکی تری لێوەشاوەیی سەرکردایەتیتانە لە خزمەتی تێکۆشانی یەکێتیی نیشتمانیی کوردستان و گەلەکەمان لەپێناو ئاشتی، دیموکراسی، مافی مرۆڤ و چارەی خۆنووسین و لەسەر هەمان رێبازی سەرۆک مام جەلال کە هەمیشە تەئکیدی لەسەر ئامادەیی دیبلۆماسی یەکێتیی لە کۆڕ و کۆمەڵە نێودەوڵەتییەکان دەکردەوە.
دڵنیاین ئەم ئەرکە سیاسییە هەرێمی و نێودەوڵتییە رۆڵی گەورەی دەبێت لە پێشخستنی پێگەی یەکێتیی و خەباتی گەلی کوردستان لە ئاستی عیراق و جیهان، بەرەو سەرکەوتنی یەکجارەکی.
جارێکی تر پیرۆزە
مەکتەبی سیاسیی
یەکێتیی نیشتمانیی کوردستان
