دووشەممە ٢٢ی ئەیلولی ٢٠٢٥
هەڤاڵ جەزا سەید مەجید، ئەندامی ئەنجومەنی سەرکردایەتی و سەرپەرشتیاری مەڵبەندی ٢٤ی ڕاپەڕین، لە کۆبوونەوەی ئاسایی هەڤاڵان جێگران و لێپرسراوانی بەشەکانی مەڵبەنددا، هاوکات لەگەڵ تیشکخستنە سەر دوا پەرەسەندنە سیاسی و حزبییەکانی ڕۆژ، جەخت لەسەر پێداگری و هەڵوێستە نەگۆڕە نیشتمانییەکانی یەکێتیی نیشتمانیی کوردستان لە بەرژەوەندی کۆمەڵانی خەڵکی کوردستان دەکاتەوە.
هەر لە کۆبوونەوەکەدا، دوا پرسی دوا ئامادەکارییەکانی یەکێتیی لە دەڤەرەکەدا بۆ هەڵبژاردنی خولی داهاتووی پەرلەمانی عیراق گفتووگۆ کرا و جەخت لە تەرخانکردنی تەواوی توانستە ئۆرگانیکییەکان و هەڤاڵان لەم پێناوەدا کرایەوە.
