سەرۆکی یەکێتیی نیشتمانیی کوردستان بانگەشەی هەڵبژاردنی ئەنجومەنی نوێنەرانی عیراقی بە رەسمی دەستپێکرد و رایگەیاند: تەنها یەکێتی لە بەغدا کاریگەری هەیە و دەتوانێت یەکڕیزی عیراق بپارێزێت.

---

یەکێتی خەبات بۆ هەموو کوردستان دەکات

ئەمڕۆ 6ی 10ی 2025، بافڵ جەلال تاڵەبانی، سەرۆکی یەکێتیی نیشتمانیی کوردستان بە رەسمی بانگەشەی هەڵبژاردنی خولی شەشەمی ئەنجومەنی نوێنەرانی عیراقی دەستپێکرد و رایگەیاند: ئەمڕۆ یه‌كێتیی نیشتمانیی كوردستان ئه‌و یه‌كێتیه‌یە كه‌ ئێوه‌ ویستووتانه‌ و بۆ هه‌موو كوردستان خه‌بات ده‌كات بۆیە ده‌نگ بده‌ن به‌حزبێك كه‌ نه‌ترسێت له‌خزمه‌تكردن.

هەمووان دەزانن کێ خزمەتی خەڵک دەکات

ئاماژەی بەوەشدا: ئه‌مڕۆ كه‌ركوك به‌راورد به‌ رابردوو زۆر جیاوازه‌ و خزمەتەکانی یەکێتی لەو شارە بەڕوونی دیارە و هەمووان دەزانن کام حزبە خزمەتی ئەو شارە دەکات، هەروەها یەکێتی رێگر دەبێت لەوەی ئەو ئازارەی ئێوە بینیوتانە منداڵەکانیشتان بیبینێت.

هیچ لایەنێک وەک یەکێتی داوای مافی خەڵک ناکات

سەرۆکی یەکێتی باسیلەوەشکرد: یه‌كێتی بۆ خزمه‌تی خه‌ڵك له‌گه‌ڵ هه‌موو لایه‌نه‌كان پەیوەندی باشه‌ و هیچ لایەنێک ناتوانێت وەک یەکێتی لە بەغدا داوای مافی خەڵک بکات و ببێتە پارێزەری دەستور و کاریگەری خۆی هەبێت.

گرنگە خەڵک بزانێت دەنگ بە کێ دەدات و کێ خزمەتی خەڵک دەکات

بافڵ جەلال تاڵەبانی لە دەستپێکی بانگەشەدا رایگەیاند: یەکێتی بەشێکە لە خەڵک و گرنگیشە خەڵک بزانێت دەنگ بە کێ دەدات کێ خزمەت دەکات کێ دەنگی ئەوان دەبێت لە بەغداد، ئێستا گەنجەکان هۆشیارن و دەزانن دەنگ بە کێ دەدەن و کێ هەڵدەبژێرن، کێشەکانی خەڵک تەنها بە یەکێتی چارەسەردەکرێت و هەمووانیش لەگەڵ کێشەدا لە دەرگای یەکێتی دەدەن.