مەکتەبی سیاسی یەکێتی لەپەیامێکدا هێرشەکانی چەکدارانی سوریا بۆ سەر کورد ئیدانە دەکات و رایگەیاند: ئیدانەی بێدەنگی بەرامبەر هەڕەشەکردن لە گەلەکەمان دەکەین کە جێی قبوڵ نییە و پێمانوایە، ئەركی كۆمەڵگەی نێودەوڵەتیی بەگشتی و نێوەندگیرانی رێككەوتننامەی دیمەشقە دژی ئاڵۆزییەكان و سەنگەر لێگرتن لە هاوڵاتییانی مەدەنی بوەستنەوە.
راگەیەندراوی مەكتەبی سیاسیی یەكێتیی نیشتمانیی كوردستان …
نیگەرانی قوڵی خۆمان لەو رووداوانەی چەند رۆژێكە، لە رۆژئاوای كوردستان و باكووری سوریا روودەدەن ، دەردەبڕین، وێڕای هاوسۆزیمان لەگەڵ گەلەكەمان لە رۆژئاوا کە لە جیاتی دونیا قارەمانانە شەری دژی تیرۆرستانی داعشی کرد، ئیدانەی بێدەنگی بەرامبەر هەڕەشەکردن لە گەلەکەمان دەکەین کە جێی قبوڵ نییە و پێمانوایە، ئەركی كۆمەڵگەی نێودەوڵەتیی بەگشتی و نێوەندگیرانی رێككەوتننامەی دیمەشقی لە 10-3- 2025 یش ئەوەیە دەستبەجێ دژی ئاڵۆزییەكان و سەنگەر لێگرتن لە هاوڵاتییانی مەدەنی بوەستنەوەو گوشار بكەن بۆ پایەداركردنی بژاردەی ئاشتی نەك بژاردەی شەڕ كە دەرئەنجامەكەی لەبەرژەوەندیی هیچ لایەك نابێت، بەتایبەت دوای پەرەسەندنەکانی هەڵاتن و دزەكردنی چەكدارانی داعش ، لە زیندانەكان ، بۆیە پشتگیریی خۆمان لە گەلەکەمان و لە هەر هەوڵێك دووپات دەكەینەوە کە ئەو مەترسیانە وەک خۆی دەبینێ و ژیرانە مامەڵە لەگەڵ ئەم دۆخە نەخوازراوەدا دەکات.
