لە ٨ی مارسی ئەمساڵدا، کاتێک جیهان ڕۆژی جیهانیی ژن پیرۆز دەکات، ئێمە لە مەڵبەندی ٢٤ی ڕاپەڕین پەیامی ڕێز و خۆشەویستی بۆ پشتیوانی لە خەباتی ژنان و کادرە ژنە تێکۆشەرەکانی یەکێتیی نیشتمانیی کوردستان و هەموو ئەو ژنانەی مێژووی میللەتەکەمان ڕادەگەیەنین کە بوونەتە چرای ڕێگە بۆ ئازادی و دادپەروەری.
٨ی مارس تەنها ڕۆژی ئازادیی ژنان نییە — ڕۆژی ئازادیی هەموو کۆمەڵگەیە. چونکە کۆمەڵگەیەک کە ژنانی تێدا ئازاد نەبن، هیچ کەسێکی لە ڕاستیدا تێدا ئازاد نییە. ئازادیی ژن ئازادیی مرۆڤایەتییە و ستەم لەسەر ژن ستەم لەسەر هەموو کۆمەڵگە.
ئازادیی ژن بنەمای پێشکەوتن و گەشەسەندنی نەتەوەیەکە. هیچ گەلێک ناتوانێت سەرکەوتوو بێت ئەگەر ژنانی تێدا لە بەشداریکردن و بڕیاردان و ئافراندندا دوور بخرێنەوە. خەباتی ژنان خەباتی هەمووانە و سەرکەوتنی ژنان سەرکەوتنی هەمووانە. لەم ڕۆژە گرنگەدا، داوا لە هەموو لایەنە سیاسی و کۆمەڵایەتی و مەدەنییەکان دەکەین کە:
• پاراستنی مافەکانی ژنان وەک پاراستنی مافەکانی هەموو کۆمەڵگە ببینن.
• توندوتیژی دژ بە ژنان بە توندوتیژی دژ بە هەموو کۆمەڵگە بزانن و بناسن.
• بۆ هێنانە ئاراوەی یاسا و گەشەپێدانی دامەزراوەکانی پاراستنی مافی ژنان هەوڵ بدەن.
بیری هەمیشەیی خەباتکاران و شەهیدانی ڕێگەی ئازادی گەرمە.. بە بڕشتە.
بژی ئازادیی ژن، بژی ئازادیی کوردستان.
مەڵبەندی ٢٤ی ڕاپەڕین
٨ی مارسی ٢٠٢٦
