ئێستا جەماوەری یەکێتی دڵخۆشن کە هیچ کاتێک یەکێتییەکەیان وەک ئێستا یەکڕیز نەبووە، هەربۆیە دەبێت رۆژ لە دوای رۆژ ئەم یەکڕیزییە بەهێزتر بکەین.
لە کۆبوونەوەم لەگەڵ ئەندامانی هەردوو بۆردی تێکۆشەرە دێرینەکان و بۆردی رێکخستنی یەکێتیی نیشتمانیی کوردستان باسمان لە گۆڕانکارییەکانی ناو یەکێتی کرد کە بە خۆشحاڵییەوە ماوەیەکە دەستی پێ کردووە و هەنگاوی زۆر باشیشمان ناوە. جەختمان کردەوە لەسەر ئەوەی لەم پرۆسەیەدا ئەرک و بەرپرسیارێتی بە کەسی شیاو دەسپێردرێت و رێز لە تێکۆشەرە دێرینەکان دەگرین و سوود لە ئەزموونی دەوڵەمەندیان وەردەگرین.
هەروەها گرنگیی زۆر دەدەین بە زیادکردنی ئاستی هەماهەنگی لەنێوان بۆردەکانی حکومەت و رێکخراوەکان و تەواوی بۆردەکانی دیکە لە پرۆسەی رێکخستنەوە و گۆڕانکارییەکانی ناو یەکێتیدا.
