بە بۆنەی هاتنەوەی جەژنی ڕەمەزانی پیرۆز و نەورۆزی ئازادییەوە، پیرۆزبایی لە خەڵکی خۆشەویستی دەڤەرەکەمان و هەموو هاوڵاتیانی ئازیزی کوردستان دەکەین. ڕۆژانی جەژنتان لەوپەڕی شادی و ئارامی دەرونی و ناوچەییدا بەسەربەرن و لێبوردەیی و پێکەوە ژیان هەوێنی ژیانتان بێت.
ئەم جەژنە پیرۆزە لە کاتێکدایە نەتەوەی کورد و هەرێمی کوردستان بە قۆناغێکی هەستیاردا گوزەر دەکات. هەڵسوکەوتی سیاسی ناوخۆ و دەرەوە بانگەوازی یەکڕیزی ڕاستەقینەمان لێدەکات. دەبێ لە بیرمان بێت یەکێتی نەتەوەیی نەک تەنیا درووشمێکە، بەڵکوو پێویستییەکی سەرەکییە بۆ پاراستنی دەستکەوتەکان و بەرەوپێشبردنی داهاتووی گەلەکەمان. بەرژەوەندیی نەتەوەیی دەبێت لە سەرووی هەموو بەرژەوەندییەکدا بمێنێتەوە.
لە ئاستی ناوچەکەدا، ناسەقامگیری و قەیران بەردەوامن و گەلانی ڕۆژهەڵاتی ناوەڕاست بەدەر لە ئاسایشی تەواو ژیان بەسەردەبەن. ئێمە وەک نەتەوەیەکی مافخواز و ئاشتیخواز، جەخت لەسەر دەستەبەری هەموو مافە ڕەوا مرۆیی و نەتەوەییەکانمان دەکەینەوە. دادپەروەری و بەرپرسیارێتی کۆمەڵایەتی بنەمای ژیانێکی شایستەترن و داوای جێبەجێکردنیان دەکەین لە هەموو ئاستەکاندا.
مەڵبەندی ٢٤ی ڕاپەڕین، لەم ڕۆژە پیرۆزەدا بە شانازییەوە یادی شەهیدان، تێکۆشەران و قوربانیانی ڕێگەی ڕزگاری و ئازادی دەکاتەوە و بانگەوازی هەمیشەییان بۆ ئازادی و یەکسانی و ژیانێکی شایستە تر لەبیرناکەین. جەژن و ڕاپەڕین ئیلهام بەخشی ڕێگە و واتای بەردەوامبوونمانن لە خزمەتکردنی هاوڵاتیان و پاراستنی بەهاکانی نەتەوەکەمان.
هیوادارین ئەم جەژنە خۆشی و سەلامەتی و ئاشتی لەگەڵ خۆیدا بهێنێت بۆ هەموو کوردستانیان و خەڵکە خۆشەویستەکەی دەڤەرە خۆشەویستەکەمان. با ڕۆژانی جەژن دەرفەتێکبن بۆ پتەوتر کردنی پەیوەندییە کۆمەڵایەتی و مرۆییەکانمان، نزیکبوونەوە و نوێکردنەوەی پەیمانی نەتەوەیی و نیشتمانی لەگەڵ یەکتردا. داوا لە خودای گەورە دەکەین ڕۆژوو و نوێژ و هەموو عیبادەتەکانتانی قبوڵ کردبێت.
جەژنتان پیرۆز و خۆشییەکانتان بەردەوام.
مەڵبەندی ٢٤ی ڕاپەڕین
٢٠ی ئاداری ٢٠٢٦ | ١ی شەوال ١٤٤٧ هـ.ق
