بەڕێز کاک نزار ئامێدی سەرۆک کۆماری عێراقی فیدرال
بەبۆنەی هەڵبژاردنتان وەک سەرۆکی کۆماری عێراق پیرۆزبایی گەرمی خۆمتان ئاراستە دەکەم، ئومێد دەکەم لەم ئەرک و بەرپرسیارێتییە گرنگەدا بتوانن رۆڵی خۆتان ببینین و پارێزەری دەستوور بن و هەوڵی جدی بدەن بۆ چارەسەری کێشەکانی نێوان هەرێم و بەغدا، لە چوارچێوەی دەستوورو یاسا بەرکارەکان کێشەکان چارەسەر بکەن و لەپێناو ژیانێکی شایستە بۆ گەلەکەمان تواناکانتان بخەنەگەڕ.
دووبارە پیرۆزبایی خۆمتان ئاراستە دەکەم و ئومێدەوارم بەپاڵپشتی و پشتیوانی سەرجەم هێزە کوردستانییەکان و بەکاری هاوبەش لەگەڵ هێزو لایەنە عێراقییەکان بتوانن پێکەوە داکۆکیکارێکی سەرسەختی مافەکانی گەلی عێراق بن و پارێزگاری لێ بکەن.
براتان
کۆسرەت رەسول عەلی
١١/٤/٢٠٢٦
