چاکسازی لە پرۆسەی تۆمارکردنی کۆمپانیاکان، یەکێکە لە گرنگترین هەنگاوەکانی چاکسازیی کابینەی نۆیەم کە لە ساڵی ٢٠٢٣وە دەستمان پێ کردووە. پێشتر تۆمارکردنی کۆمپانیایەک نزیکەی دوو مانگی دەخایاند و ٣١ هەنگاوی پێویست بوو، ئێستا بەشێوەی ئۆنلاین و تەنها بە ٢٤ کاتژمێر و بە نرخێکی زۆر کەم تۆمار دەکرێت.
بە ئامادەبوونی بەڕێز کەمال موسلیم، وەزیری بازرگانی و پیشەسازی لەگەڵ بەڕێزان بڵند محەمەد، بەڕێوەبەری گشتی و ئەندامان و بەرپرسانی سەرجەم لقەکەکانی بەڕێوەبەرایەتیی گشتیی تۆمارکردنی کۆمپانیاکان کۆبوومەوە. سوپاسم کردن بۆ ئەوەی بەپێی پلانەکە، هەنگاوەکانی چاکسازییان بە باشی جێبەجێ کردووە. بە تایبەتیش دەستخۆشیم لە بەرپرسان و هەموو کارمەندانی بەڕێوەبەرایەتییەکە کرد کە بە شێوەیەکی پیشەیی و بێ هیچ جیاوازیدانانێک خزمەتی هاووڵاتییان دەکەن.
بۆ هەنگاوی داهاتووش لە بە ئەلیکترۆنیکردنی بەڵگەنامە و دۆکیۆمێنتەکان هاوکار و پشتیوانیان دەبم لە چارەسەرکردنی هەر کێشە و گرفتێک بێتە بەردەمیان.
