خانەوادەی تێکۆشەر و سەربەرزی خوالێخۆشبوو..
هەڤاڵان و هاوسەنگەرانی مامە غەفە..
ئەمڕۆ چل ڕۆژی پڕ لە خەم و پەژارە بەسەر ماڵئاوایی یەکجاریی فەرماندەی ئازا و پێشمەرگەی ڕۆژە سەختەکانی کوردایەتی، تێکۆشەری دێرینی یەکێتیی نیشتمانیی کوردستان و گەلەکەمان، هەڤاڵ (غەفور ئەحمەد عەبدوڵڵا) ناسراو بە مامە غەفە تێدەپەڕێت.
مامە غەفە، مێژوویەکی پڕ لە سەروەری، نموونەی فەرماندەیەکی چاونەترس، پێشمەرگەیەکی خاکی و مرۆڤێکی دڵسۆزی گەلەکەی بوو کە تەمەنێکی درێژ و پڕ بەرهەمی لە پێناو ئازادیی خاک و نەتەوەکەیدا بەخشی. مێژووی پڕ لە قوربانیدانی ئەم فەرماندەیە لە شاخ و دواتریش لە خەباتی شاردا، شانازییەکی گەورەیە بۆ هەموومان و وەک وانەیەکی خۆڕاگری و کوردپەروەری بۆ نەوەکانی داهاتوو دەمێنێتەوە. هەڤاڵێک بوو تا دواهەناسەی تەمەنی، لەسەر ڕێبازی پیرۆزی سەرۆک مام جەلال، وەفادار مایەوە بە خوێنی شەهیدان و خەباتی ڕەوای گەلەکەمان.
لەم یادە خەمناکەدا، کە مەراسیمی چلەی ماتەمینی ئەو سەرکردە تێکۆشەرەیە، ئێمە لە مەڵبەندی ٢٤ی ڕاپەڕین، بە شکۆوە سەری ڕێز و نەوازش بۆ خەبات و مێژووی پڕ لە سەروەریی مامە غەفە دادەنوێنین. بێگومان لەدەستدانی ئەم کەڵە پیاوە، کەلێنێکی گەورەی خستە نێو ڕیزەکانی خەبات و تێکۆشان، بەڵام دڵنیاین کە کاروانە پڕ لە شانازییەکەی و یادەوەرییەکانی، هەمیشە بە زیندوویی لە دڵی هەڤاڵان و هاوسەنگەرانیدا دەمێنێتەوە و دەبێتە هەوێنی بەردەوامبوونمان.
جارێکی دیکە، لە ناخی دڵمانەوە پرسە و سەرەخۆشیی قووڵی خۆمان ئاراستەی خانەوادە تێکۆشەرەکەیان، کەسوکار، دۆستان و سەرجەم هاوسەنگەرانی دەکەین. لە پەروەردگاری مەزن دەپاڕێینەوە ڕۆحی پاکی بە بەهەشتی بەرین شاد بکات و سەبووری و دڵنەوایی بە هەموولایەک ببەخشێت.
دروود بۆ ڕۆحی پاکی فەرماندە مامە غەفە و سەرجەم شەهیدانی ڕێگای ڕزگاریی کوردستان.
مەڵبەندی ٢٤ی ڕاپەڕین
٢ی ئایاری ٢٠٢٦
