ئاسایش هێزێک نییە بۆ ترساندن، بەڵکوو هێزی رەواندنەوەی ترسی هاوڵاتییانە.
لە ڕێوەڕەسمێکدا بە ئامادەبوونی بەڕێزان حەمەی حەمە سەعید، وەزیری رۆشنبیری و لاوان و هیوا ئەحمەد، سەرۆکی دەزگای ئاسایشی هەرێم، هەر یەکە لە بەڕێزان عەمید خالید محەمەد قادر وەک بەڕێوەبەری بەڕێوەبەرایەتیی گشتیی دیوان و عەقید هەوار مەجید قادر وەک بەڕێوەبەری بەڕێوەبەرایەتیی ئاسایشی پارێزگای سلێمانی دەستبەکاربوون.
لە ڕێوڕەسمەکەدا پیرۆزباییمان لە هەردوو بەڕێوەبەری نوێ کرد و جەختمان کردەوە لە پێویستیی بردنەسەری ئاستی رۆشنبیری هێزەکانی ئاسایش. لەمەودوا دەزگای ئاسایش بە هەماهەنگی لەگەڵ وەزارەتی رۆشنبیری و لایەنە پەیوندیدارەکانی دیکە بە پلان و بەرنامەی نوێوە کار دەکات بۆ باشترکردنی مامەڵەی هێزەکان لەگەڵ چین و توێژە جیاوازەکانی کۆمەڵگا، چوونکە ئاسایشی وڵاتەکەمان ئەو کاتە بەهێزتر دەبێت کە هەموو خەڵک خۆیان بە هاوکار و پشتیوانی هێزە ئەمنییەکان بزانن.
