ڕاپەڕین – ١٩ی تەمموزی ٢٠٢٦

لە پێناو هاندان و بەرزنرخاندنی هەوڵ و ماندووبوونی خوێندکارانی سەرکەوتوو، مەڵبەندی ٢٤ی ڕاپەڕین و کۆمەڵەی خوێندکارانی کوردستان، سەردانی خوێندکارە یەکەمەکانی قۆناغی ئامادەییان لەسەر ئاستی دەڤەری ڕاپەڕین کرد و خەڵات و ڕێزلێنانیان پێشکەشکردن.

لەسەر ڕاسپاردەی هەڤاڵ لێپرسراوی مەڵبەندی ٢٤ی ڕاپەڕین، هەڤاڵ حەبیبە بابان، جێگری لێپرسراوی مەڵبەند، هاوڕێ لەگەڵ هەڤاڵان هەمزە سەلیم، لێپرسراوی بەشی ڕێکخراوەکانی مەڵبەند و ژیار حسن، لێپرسراوی بازنەی ڕاپەڕینی کۆمەڵەی خوێندکارانی کوردستان، لە میانی بەسەرکردنەوەیەکی مەیدانیدا ماڵی خوێندکارە سەرکەوتووەکان’ی دەڤەرەکەیان بەسەرکردەوە.

لە بەسەرکردنەوەکاندا، وێڕای پێشکەشکردنی دیاری مەڵبەند و ڕێزنامەی بەشی ڕێکخراوەکان و بازنەی ڕاپەڕینی کۆمەڵەی خوێندکارانی کوردستان بە خوێندکارە یەکەم و دووەم و سێیەم و چوارەمەکانی هەردوو بوارەکانی وێژەیی و زانستی لەسەر ئاستی دەڤەری ڕاپەڕین، پیرۆزباییان لێکردن و جەختیان لە بەردەوامی پشتیوانییەکانی یەکێتیی نیشتمانیی کوردستان و کۆمەڵەی خوێندکارانی کوردستان بۆ خوێندکاران و پێشخستنی پرۆسەی پەروەردە و زانست لە دەڤەرەکە کردەوە.

خوێندکارە خەڵاتکراوەکان پێکدێن لەم ناوە درەوشاوانەی خوارەوە:

بەشی وێژەیی:

دیاری خالید مستەفا — پلەی یەکەم

گلێنە حەکیم خدر — پلەی دووەم

ئاریان مەولود حەمەزیاد — پلەی سێیەم

ڕووان کاروان عەبدوڵڵا — پلەی چوارەم

بەشی زانستی:

ئەرەند جەمال فەتاح — پلەی یەکەم

سارین ئاکار عوسمان — پلەی دووەم

ترێ ئاراس تۆفیق — پلەی سێیەم

چرا هۆشیار محەمەد — پلەی چوارەم